• PLAN DI AKSHON
    MFK 2016
  • flag-curacao flag-holanda
Home Amerigó Thodé AMIENDANAN DI MFK PROPONE PA AMERIGO THODE PA OUMENTA PRESUPUESTO DI KONTROLARIA...

KORSOU, 26 Novèmber 2014,

Amerigo Thode miembro di parlamento di Kòrsou pa partido Movementu Futuro Kòrsou (MFK) , a anunsiá for di siman pasa 2 kambio den e lei di presupuesto 2015, pa medio di e amienda/kambio pa oumentá e presupuesto di Kontrolaria General i Parlamento di Kòrsou pa 2015 i asina haña sosten di 11 miembro den parlamento. Partido i miembro(nan) di parlamento ku a bai di akuerdo ku e 2 amendia(nan) ta e 3 partidonan den oposishon (MFK,MAN,PAR) i un miembro independiente di oposishon huntu ku 1 partido di koalishon (PNP) a vota pro pa e amienda nan ariba menshoná.

Ku e aprobashon aki parlamento di Kòrsou a manda un señal bon kla pa gobièrnu di Kòrsou pa respetá Parlamento i e derecho di presupuesto ku ta resorta bou di e órgano mas haltu di Pais ku ta Parlamento di Kòrsou i pa nan stòp di mishi ku presupuesto di Parlamento. Alabes tambe e órgano aki a aprobá e presupuesto deseá di Kontrolaria General di Kòrsou ku meresé tur rèspèt pa asina den tur trankilidat nan por sigui ehersé e bon trabou komo e órgano ku ta vigilá i kontrolá gastamentu di gobièrnu na bienestar di pueblo di Kòrsou.

Apesar di vota kontra di e lei di presupuesto 2015 asina aki miembronan di oposishon a logra apuntá sèn na 2 órgano ku gobièrnu no mag mishi kuné pa hasi nan lam den nan trabou di tur dia.

Un biaha mas ku e aprobashon aki tantu kontrolaria general komo parlamento di Kòrsou ta haña e presupuesto nesesario i esun ku nan a pidi pa sigui hasi nan trabou na bienestar di pueblo di Kòrsou.

Miembronan di Parlamento di Kòrsou pa Movementu Futuro Kòrsou (MFK) ta gradisí partido MAN, PAR, miembro independiente sra. Omayra Leeflang i muy espesial partido Nashonal di pueblo sr. Humprey Davelaar ku komo miembro di parlamento den koalishon a sostené e amienda di miembronan di oposishon pa asina forma e apoyo di mayoria pro.

Atentamente,

Amerigo Thóde – Miembro di Parlamento (MFK)

Amienda 1: Begroting Staten 2015

Amienda 2: Begroting Algemene Rekenkamer Curaçao

IMG_0605

Webmaster

Leave a Reply