• PLAN DI AKSHON
    MFK 2016
  • flag-curacao flag-holanda
Home Dokumentonan MFK PREPARANDO PA ELEKSHON

Direktiva di Movementu Futuro Kòrsou (MFK) ta bai inisiá e trayekto di preparashon pa elekshon di Staten. Durante di e reunion semanal di direktiva di MFK, direktiva a tuma e desishon pa kuminsá for di awor ku preparashon pa elekshon 2016. Teniendo kuenta ku e instabilidat polítiko ku ta reina na Kòrsou pa e último 60 añanan i tambe ku poko ta e gobièrnunan ku a sinta nan periodo di gobernashon kompleto, ta trese kuné ku komo organisashon polítiko bo mester ta bon prepará pa kualke eventualidat pa elekshon.

Ta opvio ku despues ku a bini ku kolektamentu di firma pa sostené un Reforma Demokrátiko den nos pais, pa asina e aspekto di gobièrnunan ku no ta sinta nan periodo (pa motibu di robo di asiento pa tumba, robo di asiento pa forma) di gobernashon kompleto lo no hunga un ròl mas.

Direktiva, teniendo kuenta ku e puntonan ariba menshoná, a instituí un komishon ku na kabes nos lider polítiko sr. Gerrit Schotte, ku e enkargo pa enkaminá e proseso di preparashon pa elekshon di staten.

E enkargo ku direktiva di MFK a duna e komishon di elekshon ta enserá ku mester entamá diferente trayekto tantu interno komo eksterno pa por kumpli ku e metanan ku a ser stipulá, pa kada trayekto. Lo dokumenta kada trayekto pa asina yuda fasilitá trabounan ku mester hasi tantu pa elekshon komo tambe pa futuro.

E promé trayekto ku e komishon lo entamá ta esun di buska i apuntá personanan ku lo ta dispuesto pa ta riba e lista di kandidato ku lo partisipá na elekshon.

E komishon di elekshon lo hiba un kombersashon ku e kandidatonan, lo skrutiná e kandidato pa despues presentá e kandidatonan na direktiva di MFK pa aprobashon.

Despues di aprobashon, kandidatonan lo kuminsá pasa den diferente trayekto di formashon ku lo ekipá e kandidatonan ku sufisiente konosementu pa por karga responsabilidat den kualke funshon polítiko.

Kua ta e kriterionan pa un persona bini na remarke pa ta un kandidato ku lo ta riba lista di elekshon pa MFK:

  1. E persona mester ta inskribí na registro sivil i tin e edat di 18 aña
  2. Mester tin e konvikshon di lucha pa un hustisia soshal berdadero pa un i tur
  3. Mester tin e prinsipionan moral i espiritual pa por sinseramente sirbi nos pais
  4. Mester ta dispuesto pa sakrifiká ora liber pa pasa den seshonnan di entrenamentu
  5. Mester tin abilidat di komuniká tantu verbal komo por eskrito
  6. Mester por dil ku preshon i situashonnan di strès
  7. Mester por pensa i presentá solushon pragmátiko
  8. E persona no por ta afiliá na otro organisashon polítiko

Si abo ta realmente interesá pa sirbi bo pais i no ta buska na ningun momento so un ventaha personal, den un organisashon polítiko dinámiko i ku potensial di bira e organisashon polítiko di mas grandi na Kòrsou, tuma kontakto ku MFK na number di telefon 461-7766 òf via di mail na office@mfk.cw pa asina nos traha un sita ku bo persona pa un kombersashon.

Ban sirbi nos pais pa mañan nos por ta orguyoso ku nos tambe por a forma parti di e kambionan ku lo hiba nos dushi Kòrsou na un pais próspero i ku un futuro pa nos yunan.

Direktiva di MFK i su Lider.

ELECCIONES

 

 

Webmaster

Leave a Reply