• PLAN DI AKSHON
    MFK 2016
  • flag-curacao flag-holanda
Home Dokumentonan UN PRENSA OPHETIVO I HUSTU DEN NOS KOMUNIDAT

E derecho ku kada un persona den nos komunidat tin pa ekspresá su opinion liber ta un derecho ku ta ankra den derechonan universal di leinan internashonal i ku esakinan mester ta kondishonnan i prinsipionan fundamental den un pais demokrátiko. Pero no mester ta asina si ku pasombra tin libertat di prensa ta kue esaki i kambia ora ta kumbiní kualke persona o organisashon pa libertinahe di prensa.  Prensa tin un ròl hopi grandi den nos komunidat i den e ròl aki, prensa mester ta ophetivo i hustu.

No ta pòrnada Transparency International den su rapòrt a indiká den su konklushon i rekomendashonnan ku nos prensa tin su debilidatnan i di tur manera mester traha riba esakinan entre otro:

  • Propiedat privá di media i dependensia di finansiadornan i entrada di komersialnan tin konsekuenshanan severo pa imparsialidat di e kontenido di notisia.
  • E falta di periodista kualifiká i salarionan abou tin komo resultado komunikadonan di prensa ku no ta supstansia ta bin sali den programanan di radio i tv i korantnan sin ku verifiká nan a fondo.
  • Provishonnan pa sigurá integridat di empleadonan di media ta skars.
  • Ounke medianan ta informá e públiko tokante korupshon i su impakto, e reportahenan hopi bes ta limitá, no ta imparsial i di un kalidat pober. E área di reportahe investigativo ta virtualmente no konosí na Kòrsou
  • Medianan mester mehorá nan proseduranan di gobernansia interno i traha na manehonan di integridat interno.
  • Medianan mester profeshonalisá dor di traha di akuerdo ku prinsipionan básiko di periodismo (p.e. independensia, ophetividat, konfidensialidat).
  • Profeshonalisá medianan dor di training den research investigativo i issuenan étiko.

 

Esaki ta algun punto ku Movementu Futuro Kòrsou a sita for di e rapòrt di Transparency International kaminda nos di MFK tambe ta kere ku semper nos por mehorá basta nos ke i ku pueblo tambe ta spera ku e kambionan aki manera indiká ya kaba ta den proseso di implementashon. Kon ku bai bin nos prensa ku ta wòrdu konsiderá i mira komo e di kuater pilar den nos komunidat, ta e vehíkulo importante pa informá i eduká nos komunidat i e informashon i edukashon aki sigur mester ta basá riba informashonnan konkreto, korekto i ophetivo.

Un Pabien na tur nos prensa ku nan dia tan importante ku ta dia 1 di sèptèmber i mi ke terminá ku e pasashi di e kantika di Doble R ku ta bisa:

TULA WARDA NO WAK AINDA, YA KU NOS TIN ALGUN KOS DI DRECHA, KERE KU NOS TA TRAHANDO DURU.

Felis dia di PRENSA

 

Atentamente,

Na nòmber di Movementu Futuro Kòrsou

Amerigo Thode

Presidente

MFK

Webmaster

Leave a Reply