• PLAN DI AKSHON
    MFK 2016
  • flag-curacao flag-holanda
Home Gerrit Schotte Nelson Navarro a gaña hinter komunidat over di susesonan di 15 di...

Den e kontrato firma 25 di Aprel 2003 (DOMA) ta regla tur responsabilidat di airopuerto i tambe di Kòrsou den dje. Ta resultá ku e aktual Minister di Hustisia – Nelson Navarro (Partido Pais) a gaña hinter komunidat ku su deklarashonnan ku: ”Mi nò ta responsabel pa seguridat na Aeropuerto Direktamente”.

Ta resultá for di kontratonan ku gobièrnu di Kòrsou a firma ora a duna konseshon di airopuerto na tersera ku ta Gobièrnu ta responsabel pa Seguridat di airopuerto bou di tur sirkunstansha. E dokumento yama “Island Implementation Agreement” den Artíkulo 4.1 ta regla tur lokual ta kore pa kuenta (gastu) di Kòrsou (Island’s Expense zie bijlage 1) i Artikulo 4.2. Security di e kontrato ta regla tur lokual ta responsabilidat di Kòrsou den e kuadro di seguridatna airopuerto (zie bijlage 2).

Un Minister di Hustisia huntu ku su Gobièrnu den su totalidat ta presentá un mentira nashonal televisá 16 di Yüli 2014 gañando hinter un komunidat ku ta airopuerto i su personal a faya siendo ta Gobièrnu ta e úniko responsabel.

Gobièrno ta responsabel pa:

1. implementashon di kontròlnan di seguridat nesesario na airopuerto,

2. ta responsabel ku na airopuerto tin un plan di seguridat ku ta kumpli ku rekerimentunan di departamento di aviashon i tambe ICAO,

3. Gobièrnu ta responsabel pa tur rekerimentu di seguridat pa pasaheronan ku ta drenta i tambe pa esnan saliendo for di Kòrsou,

4. patruyahe na airopuerto i tambe skrining di maletanan,

5. Gobièrnu por direktamente o indirektamente outorisá personal di esun ku tin e konseshon pa hasi lokual ta kai bou di art. 4.2 (b) na nòmber di gobièrnu; ku ta ekipá nan ku arma i laga nan arestá hende ku por ta un menasa pa seguridat.

Pero semper ta Gobièrnu di Kòrsou ta keda esun responsabel pa train tur e personanan aki di e forma apropiá i Gobièrnu lo keda semper e úniko responsabel pa maneho i di tur instrukshonnan duna na e personal di Seguridat di airopuerto.

Riba página di Gobièrnu ta indiká responsabilidat di tur minister den e kaso aki lesa pabo mes e responsabilidat di esun di e Minister di Hustisia:

Ministerio di Hustisia ta responsabel pa órden hudisial, mantenshon di lei, seguridat i órden públiko na Kòrsou.

E balornan klave ta: Transparensha, responsabilidat, kalidat, inklusividat, integridat, konfiabilidat, durabilidat i koperashon.

 E Ministerio di Hustisia aktual pa Kòrsou ta dirigí primeramente riba:

  1. Desaroyá maneho
  2. Konsipiá legislashon hudisial
  3. Kontribuí na kalidat di funshonamentu den e kadena hudisial

Sòru pa seguridat, órden i trankilidat den komunidat di Kòrsou tantu di e siudadanonan komo di tur persona ku ta temporalmente na Kòrsou.

http://www.gobierno.cw/web/site.nsf/web/21D4E1B025DB7E1D0425781F00636888?opendocument

Pueblo di Kòrsou saka bo konklushon riba Nelson Navarro aktual minister di hustisia apuntá dor di Alex Rosaria di Partido Pais ku tin 20 luna ta agrava bo bida na Kòrsou paso simplemente e no sa kiko e ta hasiendo.

De paso ora problemanan grandi surgi den nos pais ta falta di tur otro hende ménos e mes i su partido ku no tin ningun klase di plan drechi funshonando pa e kartera di Hustisia.

DOMA 25 April 2003 – Island Implementation Agreement

larger

 

 

 

Webmaster

Leave a Reply