• PLAN DI AKSHON
    MFK 2016
  • flag-curacao flag-holanda
Home Jacinta Constancia Jacinta Constancia Parlamentario pa MFK, ta yama Minister Whiteman danki pa a...

Mañan 15 di yüli 2014 pa 9or mainta lo entregá e maskota di djente kumprá dor di èks-Minister sra. Constancia na 2012 personalmente na ofisina di Minister Whiteman.

Sra. Jacinta Constancia, Parlamentario pa Movementu Futuro Kòrsou (MFK) a keda hopi kontentu ku Minister sr. Whiteman a skohe pa tòg sigui ku e proyekto di “Bus di Djente” ku el a inisiá bou di Gabinete Schotte.

Sr. Whiteman a duna e proyekto di Bus di djente titulá “Pendiente di bo Djente” tog kontinuashon.

Na momentu ku a fungi komo Minister di Salú Públiko a inisiá e proyekto di Bus di djente na tur skol bàsiko di Kòrsou, kaminda a laga drecha 2 bus pa asina e tempu ei dentista Balentina i sobrá dentistanan ku tabata interesá di traha den e proyekto pa asina garantisaá nos muchanan kuido dental den barionan di Kòrsou. Den e proyekto a traha riba e parti preventivo, pa asina yuda e mucha I hobennan kuida nan djente. Den hopi kaso mayornan tin di bishitá dentista ku nan yunan tin bes pa falta di tempu no ta logra hasi esaki, pesei netamente e tempu ei a skohe pa inisiá e proyekto di Bus di Djente den bario pa asina e mucha I hoben por haña e servisio. Na momentu ku e gobièrnu nobo a sinta a para e bunita proyekto aki, na promé instante sra. Constancia a pensa kiko e mucha/hoben a hasi robes, pa e tin keda sin haña kuido dental den su bario. Awe a pasa un temporada hopi largu i porfin a start bèk ku e proyekto ku Constancia a inisiá na momento ku e tabata tin responsabilidat di Gobernashon komo diputado na 2003,  tambe komo diputado na 2007 i Minister na 2010 i e ta kontentu ku awe a kuminsá bèk ku e proyekto aki.

Pesei komo parlamentario di Movementu Futuro Kòrsou, sra. Constancia ta kere ta na su lugá na momentu ku Minister di Salú Públiko a skohe pa kuminsá bek ku e proyekto aki ta na su luga pa na nòmber di tur mucha i/of hòben di Kòrsou i na nòmber di Frakshon di Movementu Futuro Kòrsou sra. Constancia ta gradisí Minister Whiteman pa a sigui bèk sikiera ku e proyekto aki na bienestar di nos mucha(nan).

Alabes Constancia ta informá tambe di a papia for di 1 luna pasá ku Minister Whiteman kaminda e la duna informashon ku ta bai duna tur informashon i koperashon pa loke ta trata e proyekto di bus di djente kombiná ku bus di salú pa asina tur informashon preventivo por yega serka e poblashon i muy espeshalmente na nos chikitin nan.

E maskota di djente a ser kumprá i pagá ku plaka di gobièrnu na 2012. Nos a informá minister Whiteman tambe ku nos lo duna e maskota ofisialmente ora esaki yega Kòrsou i esaki ta e kaso i nos ta entregá esaki pa asina e proyekto por sigui. Tambe tin algun billboard ku Minister tin ku sòru pa ta kantu di kaminda pa asina konsientisá e poblashon pa kuida e djente. Un biaha mas Minsiter Whiteman danki na nòmber di tur chikitin pa a kuminsá bèk ku e proyekto.

I na tur chikitin korda pa mami ku papi tin bo pasport di dentista pa ora e bus di djente ta den bo bario bo akudí sin miedu. Tende di e maskota di djente ku ta kuida bo i yuda bo pa kuida bo djentenan.

Sra. Jacinta Constancia ta finalisa bisando:

“Awe 15 di yüli 2014, pa 9or di mainta lo mi hasi entregá tambe ofisial di e maskota di djente pa asina  Minister Whiteman tin esaki den su poder pa di e forma agradabel aki e mucha/hoben(nan) por risibií informashon i ta ménos di stress ora dentista ke atendé ku nan djente ora nan amigitu e maskota di djente bishitá nan bario”.

jacinta-constancia-nobo

Webmaster

Leave a Reply