• PLAN DI AKSHON
    MFK 2016
  • flag-curacao flag-holanda
Home Gerrit Schotte Asjes ta bisa komersiantenan den un reunion pa nan mes wak kon...

Parse ku den kuadro di Nation Building Ivar Asjes  aktual “Minister President” a mèldu komersiantenan asotá pa ola di kriminalidat ku nan tin ku kuminsá pensa i aktua manera den region Latino Amerikano. E la indiká na e komersiantenan ku ta hopi indigná ku e ekonomia mal stagna i ku ta bibando bou di preshon i hopi insertidumbre di inseguridat ku nan mester kuminsá pensa di buta propio “Gunmen” na porta di nan negoshi i kas pa kuida nan mes manera ta wòrdu hasi den paisnan latino.

Ivar Asjes ku no sa mas kiko e tin ku kontesta ante problemanan na Kòrsou a bisa e komersiantenan ku Gobièrnu lo ta dispuesto pa saka pèrmit pa arma hopi lihé pa asina komersiantenan kuida nan mes negoshi ku hòmbernan arma na porta.

E Kontroversia di bida ta ora bo weta den medionan di komunikashon di otro un banda den notisia ku e mesun koalishon (lidernan politiko di koalishon) ta anunsia ku yen fanfaria ku nan a firma un konvenio (protocol) nobo pa di dos biaha ku asosashonnan ku tin haber ku komersiantenan den nos pais pa resultá awor ku di otro un banda Ivar Asjes “Minister President” a manda komersiantenan bai finansiá nan mes seguridat apesar di ta pagando mas belasting for di Januari 2013.

Ta pakiko tin polis na Kòrsou anto, si ta manda tur hende bai kuida nan mes?

Un pueblo asotá ku medidanan desbalansa for di 12 di Desèmber 2012 bin ariba pagando mas sèn for di nan saku pa Gobièrnu haña den su kaha. Un ekonomia malismo i stanka, mas ku 3000 persona a pèrdè nan trabou den 2013, un pais ku negoshi tras di negoshi ta dal nan porta sera paso nan no por sobrevivi e medidanan ku Gabinete Asjes i koalishon a pasa i awor ta bisa Komersiantenan pa nan mes buska hende arma pa kuida nan negoshi i nan famia.

Insolito pero bèrdat, pueblo di Kòrsou su kana a yena ku e Gobièrnu inkapas aki ku ta sinta i forma abase di traishon (ku asiento horta). Tur kos ta indikando ku e situashon soshal ekonómiko ta bai sigui eskala i lo yega na un klímaks inkontrolabel pronto.

insecure

Webmaster

Leave a Reply