• PLAN DI AKSHON
    MFK 2016
  • flag-curacao flag-holanda
Home Gerrit Schotte Edukashon no ta un gastu pero un invershon

Durante un siman di reunion di Parlatino e frase kumas a hasi impakto ta ku un gobièrnu di un pais NOmester mira enseñansa komo un gastu riba supresupuesto, pero mester mira esaki komo uninvershon ku ta kontribuí na desaroyo di un komunidat. I nos komo frakshon di MFK tambe ta sostené esaki.
E frase ei a keda ekspresá pa un kongresista di Mexico i nos ta kere ku ta ora pa Gobièrnu di Kòrsou no solamente tuma nota di esaki pero poné tambe den praktiká. Gobièrnu mester realisá ku ora ta trata bahamentu di gastu i balansá su presupuesto, enseñansa nunka por ta un pòst kual ta tuma medida den dje i ta korta manera ta e kustumber di aña 2000/2001 (medidanan di IMF).

P’esei nos no a duda ningun momentu ku lo a revoká e medidanan ku a anunsiá den enseñansa.
Medidanan ku lo a kontribuí na krea siudadanonan di un nivel di enseñansa abou i ku poko chèns pa sigui superá den institutonan edukashonal i bira un profeshonal. Esaki lo tin konsekuensianan grave, tantu pa e merkado laboral komo nos sistema edukashonal. Merkado laboral lo ta saturá ku trahadónan ku lo por hasi un trabou na un sierto nivel so i ku lo kondusí na importashon di trahadónan di un nivel mas haltu i profeshonal. Pero tambe nos ta teme ku kitando e posibilidat di sigui studia den kombinashon ku e medida ku un klas di kualke nivel solamente por start na momentu ku tin un kantidat mínimo di 24 studiante, ku tempu e nivel di mas haltu, esta nivel 4, lo disparsé den nos skolnan SBO.

Webmaster

Leave a Reply