• PLAN DI AKSHON
    MFK 2016
  • flag-curacao flag-holanda
Home Gerrit Schotte Selebrashon 4 aña MFK

IMG_8339

Movementu Futuro Kòrsou (MFK), djasabra 17 di mei último na su sede na Lindberghweg a selebrá su di kuater (4) aniversario. E selebrashon tabata unu habri kaminda simpatisadó i miembronan di MFK a akudí pa kompartí i selebrá un logro mas den e korto tempu di eksistensia di MFK.

E mainta a habri ku e programa radial “Un Mihó Kòrsou ta Posibel”, durante transmishon di e programa lider polítiko di MFK a kombersá ku diferente di personanan ku tabata presente. A toka diferente tema i situashon ku a transkurí durante e último kuater aña nan i tambe riba e situashon polítiko aktual na Kòrsou.

Seguidamente lider polítiko di MFK Gerrit Schotte a hiba un elokuente diskurso, kaminda e la konta presentenan kual tabata e motibunan ku a kondusí na lantamentu di MFK i kon hinter e trayekto aki a bai. Den su diskurso sr. Schotte a para ketu na akontesimentunan positivo ku e organisashon polítiko a pasa aden durante e último kuater aña nan. A informá e presente nan ku e trayekto Reforma ya ta aproksimando kuarenta mil firma i ku mas i mas esnan ku ta firma pa sostené e kambionan konstitushonal aki ta realisá ku Kòrsou no por sigui den e instabilidat polítiko ku nos ta biba aden pa e último kuater aña nan.

Sr. Schotte a mustra riba e konstante atakenan den direkshon di su persona i MFK pa trata na kaba ku tantu su persona komo MFK. Sr. Schotte a pidi presente nan pa tene konfiansa den dje i pa huntu nos kana e kaminda ku lo hiba Kòrsou na prosperidat i kaminda tin sufisiente kupo di trabou pa kada siudadano di nos dushi Kòrsou.

Despues di e diskurso di sr. Schotte a sigui ku entrega di plaka na sra. Carol Capriles i sr. Rudney Garmers, dos miembro ku tabata na kuna di nasementu di MFK i ku durante e último kuater aña nan a sirbi MFK di un forma inkondishonal.

For di awor a kuminsá ku preparashon pa selebrashon di “Movementu Futuro Kòrsou” su promé Lustro.

IMG_8144

Webmaster

Leave a Reply