• PLAN DI AKSHON
    MFK 2016
  • flag-curacao flag-holanda
Home Gerrit Schotte Gerrit Schotte a asistí na introdukshon di Grupo GHL Hotel na Kòrsou

IMG_4194
Manera ta konosí pa algun tempu kaba, e Franchise Colombiano di Hotèl GHL ku ta eksitoso den 8 pais Sür i Latino Amérika ku mas di 55 hotèl a habri su portanan aki na Kòrsou, despues ku a tuma over e parti di operations di e hotèlnan di Kura Hulanda.
Awe den oranan lat di atardi, e gerensia ku sr. Jorge Londoño na kabes a introdusí su mes ofisial na Kòrsou. Despues di algun presentashon i disertashon di entre otro Hefe di Marketing i Shèfkòk di e kadena hotelero, tabata tin un resepshon pa e invitadonan por sera konosí ku entre otro e ambiente i tambe e parti kulinario di e hotèl.
Grupo GHL a bishitá Kòrsou dos aña pasá pa negoshá riba e kompra di Howard Johnson. Esaki sin un resultado positivo pa GHL. Despues ku Kura Hulanda a bai bankarota, Grupo GHL mesora a mustra interes i despues di algun siman, Kura Hulanda a haña un un grupo nobo ku lo bai hasi e operations di e hotèl; GRUPO GHL ku tin un base den Sür Amérika i ku hopi ekseperensia riba e tereno aki. Parlamentario pa MFK sr. Gerrit Schotte ku ta un konosí di Grupo GHL a wòrdu invitá pa asisití na e momentu importante aki, ku a tuma lugá awe den oranan lat di atardi.
Gerrit Schotte ta yama sr. Jorge Londoño i su tim Bon Biní na Kòrsou i ta kontentu di mira hopi kara konosí for di e temporada di Kura Hulanda den GHL Hotèl. Schotte ta deseá e empleadonan aki éksito den nan trabou i e no ta duda ku turistanan ku ta hospedá den GHL Hotel lo haña un trato i servisio sublime!
Webmaster

Leave a Reply