• PLAN DI AKSHON
    MFK 2016
  • flag-curacao flag-holanda
Home Gerrit Schotte Gobièrnu di Kòrsou ta propagandá tur dia pa pueblo bai registrá na...

mfk

Awe, aña 2014 despues di 18 luna ku e aktual Gobièrnu ta gobernando bou di 3 difirente konsepto, un Gobièrnu Interino ku a sinta dos luna i mei, un Taken Kabinet (kreashon di defunto Wiels pa evitá yama e kos un Zaken Kabinet) ku a sinta seis luna i awe den su forma úniko kambiando tres minister, e Gobièrnu a bira un Gabinete Polítiko ku a manda mas ku 3000 hende kas. Sinembargo tur dia e Gobièrnu aktual ta indiká na pueblo pa bai inskribí in na e Banko Di Trabou di Gobièrnu. Pa kua trabou nos no sa, pero esaki ta e mensahe di e Gobièrnu awe. E realidad ta ku hopi medida desbalansá, ku a wòrdu implementá dor di e Gobièrnu aktual, apesar ku a bisa nan na tur idioma ku e medidanan na inkorekto, nan no kier a tende. Resultado ta ku a manda miles di hende kas. Na yanüari 2013 e Gobièrnu a atmití ku nan sa ku miles di persona lo bai pèrdeè nan trabou, pero nan a indiká den parlamento ku nan lo bai invertí 270 mion florin den aña 2013 ku por sierto nunka no a sosodé. Na final di aña 2013 e resultado ta ku 2800 persona a pèrdè nan trabou na Kòrsou. 1. Hotel Kura Hulanda a dal su portanan sera. E operador di e hotel a bai bankarota i tur trahadó a wòrdu retirá na Otrabanda i tambe Westpunt. 2. Despues a sigi DAE, kaminda mas yu di Kòrsou a pèrdè nan trabou i e impakto ekonómiko negativo, kalkulá dor di Gobièrnu, na un inisio tabata 100 mion dòler. 3. Supermerkado Save-A-Lot (un konsepto speshal ku produktonan di kalidad A i preisnan faborabel) a dal su portanan sera. Mas hende a bai kas. 4. Un banko lokal den siman tras di lomba a retirá mas ku 50 trahadó. 5. Un hotel lokal mas, menasando ku no por karga kostonan di hasi negoshi den e pais aki i ta indikando ku lo sera ku konsekuensia ku mas hende lo bai kas. Manera indiká aki’riba e tendensia negativo den nos ekonomia a sigui riba e mesun ritmo den 2014. Sifranan di Turismo di yanüari i febrüari 2014 ta malu pa tur destinashonan den region, kousando su efekto negativo pa nos hotelnan, ku konsekuensia ku kuponan di trabou ta un bes mas na peliger. Huntu ku mas desempleo na Korsou, manera den tur ekonomia ora tin medidanan desbalansá ta wòrdu tumá i Gobièrnunan ku ta goberná no ta tene kuenta ku e klase trahadó, e ola di krímen ta lanta outomátikamente .

Ku e ola di krímen hinter e poblashon ta sinti su mes insigur i ku konsekuensia tambe ku e turista ta vulnerabel pa eksperensha e efektonan di e inseguridat aki ku ta reina na Kòrsou. Awe, kasi 4 aña despues ku a implementá e leinan di Konsenso den Hustisia, negoshá dor di Gobièrnu di PAR/PNP i FOL, e pregunta ta surgi; kiko ta e resultado? Parse ku tur e leinan aki in place, e Reino no ta kapas di solushoná niun problema den Hustisia. En bes di invitá pueblo bai inskribí nan mes na e Banko di Trabou di Gobièrnu atrobe, kontestá kuantu kupo di trabou ta bai krea òf ku a wòrdu kreá. Esnan desempleá awe ta inskribí na tur uitzendbureau na Kòrsou i alabes na ofisinan di Gobièrnu konosí komo “Ban Bario Bek”. Ku esaki ta mas kla ku di dia ku ta yenando komunidat di Kòrsou ku speransa falsu.

Webmaster

Leave a Reply