• PLAN DI AKSHON
    MFK 2016
  • flag-curacao flag-holanda
Home Gerrit Schotte Plan di Transformashon di Aqualectra pa 2014 i futuro ta MAS Diesel...

Miéntras ku ápenas dos siman pasá diferente pais Karibense a uni forsa pa remplasá masalmente plantanan di Diesel pa produsí koriente ku rekursonan duradero manera bientu i solo, Aqualectra a presentá awe den Parlamento durante Reunion di Komishonal Sentral a base di e presentashon “Transformashon a bira nesesario i URGENTE”, riba futuro di nos kompania di Awa i Koriente Aqualectra ku nan intenshon pa ku Kòrsou ta nèt kontralí.
(http://www.nytimes.com/2014/02/07/business/energy-environment/caribbean-islands-agree-to-swap-diesel-power-for-renewable-sources.html?_r=1)

Frakshon di MFK a keda sumamente asombrá awe den Parlamento despues di mira e presentashon di Aqualectra, kaminda lo bai oumentá su parke di Diesel te na 115MW den e próksimo 5 añanan. Aqualectra por a sikiera bisa ku nan ta bai over na Gas Natural. Pero no e palabra mágiko tabata Diesel.

Tabata ápenas dos aña pasá ku sr. Gerrit Schotte den su funshon komo Promé Minister a bishitá Barbados pa duna un presentashon durante e konferensha di energia di mas grandi den Karibe (CREFF). Durante e konferensha aki a resultá ku Kòrsou, e tempu ey tabata pará na number 3 di paisnan den Karibe ku ta avansando riba implementashon di Energia Duradero den e pais. Kòrsou e tempu ey tabata hopi mas avansá ku su implementashon ku por ehèmpel Aruba, ku awe a kue un bentaha grandi riba nos, pa loke ta trata uso di Energia Duradero (Energia Bèrdè). Despues ku Gabinete Schotte a baha, e diferente Gabinetenan ku a bin despues a pone e plan pa un Kòrsou mas independiente di petroli un banda. E resultado, nos tur por mira tur dia di nobo riba EEG weg, kant’i awa. Pipanan largu di mas ku 80 Aggreko ta bai laira; Aqualectra su Parke di Diesel, manera nan mes ta yama esaki den nan presentashon.
Den e próksimo 5 añanan esaki lo bai oumentá na mas djènereiter di Diesel.

Konklushon ku nos di MFK i pueblo di Kòrsou por saka for di hinter e presentashon di Aqualectra ta, ku Gabinete Asjes no tin niun klase di vishon kon pa mehorá nos produkshon di koriente pa un manera mas renovabel i duradero, ku a lo largo lo benefisiá pueblo di Kòrsou i Komersio ku prèis faborabel den e pais aki.

1IMG_8174

Webmaster

Leave a Reply