• PLAN DI AKSHON
    MFK 2016
  • flag-curacao flag-holanda
Home Gerrit Schotte Minister di Finansa José Jardim mes ta formando parti di hinter e...

Minister Jardim a paga pa hopi luna largu fakturanan ku Fundashon Fondo pa Deporte i Responsabilidat a risibí pa gastunan ku esaki e hasi den aña 2013.

Awe Parlamento di Kòrsou a trata durante un Reunion Públiko lantamentu di e Fundashon dudoso di Glenn Sulvaran/Malvina Cecilia i di Jose Jardim; Fundashon Fondo pa Deporte i Responsabilidat (FDRS). Un reunion ku MFK a pidi na final di 2013 ku karakter di urgensha pa trese klaridat riba hinter e situashon rondó di e Fundashon aki.

Durante e último simannan aki Frakshon di MFK a risibí diferente dokumento ku ta indiká kon robes hinter e proseso pa FDRS bini na remarke pa haña supsidio a kana.
Asina a resultá ku Minister di Finansa sr. Jardim a firma i duna “OK” pa varios pagonan ku a wòrdu hasí na nòmber di e Fundashon. Entre otro un outo na balor di 45.000 florin, pero tambe gastunan na balor di 14.310 florin pa traha functieomschrijving pa 7 trahado dor di un konsultant i asta montantenan chikitu manera diseño di e logo di e Fundashon (159 florin) i drycleaning di kusinchinan pa sinta na balor di 227 florin. Espesialmente e delaster dosnan aki ta duna un bista bon kla ku Minister di Finansa sr. José Jardim ta mas enbolbí den e Fundashon ku e ta laga tur hende kere.
IMG_3718

Lider di Frakshon den su disertashon awe mainta a hasi te ku 2 biaha e pregunta si Minister Jardim ta responsabel pa e fundashon, Si òf No! Diferente dokumento ta indiká ku e fundashon ta un Privaatrechtelijke Organisatie, mientras ku na varios otro okashon e ta firma den M.B. (Minstiriële Beschikking) ku e ta persoonlijk responsabel pa e fundashon den kuadro di maneho 2012-2016.
Sr. Jardim mes ta formando parti den hinter e bochincha di e Fundashon aki i awor ke laga SOAB hasi purá purá un investigashon. Dikon no a laga Algemene Rekenkamer Curaçao hasi e investigashon? Paso Minister di Finansa no tin kòntròl den e orgáno aki? Ta kos di skonde sr. Jardim i su kompañeronan Glenn Sulvaran i Malvina Cecilia tin?

Kon por ta ku un Fundashon ku tin komo meta pa kombatí pobreza i ku ta haña 800.000 florin pa aña na supsidio, tin un salarispost pa 7 trahado di 396.000 florin. Esaki ta sin konta gastunan di hür di e edifisio i otro gastunan operashonal. Si konta esakinan tambe aserka, ta ápenas 200.000 florin ta sobra pa berdaderamente kombatí pobreza i stimula deporte den nos pais. Pregunta ku tur e sinku Parlamentarionan di MFK a puntra nan mes awe den Parlamento: Kiko e intenshon di e fundashon aki ta!

No tin sèn pa Sedreko òf por ehèmpel nos Parke Tropikal, pero si pa un Fundashon ku ta wòrdu fundá na 18 di sèptèmber 2013 I ya kaba 24 ora despues ta haña aprobashon di un supsidio di 3.7 mion florin. Kon esaki ta POSIBEL???


Parlamentario independiente i den pueblo tambe konosí komo “ladron di asiento di PAR”, sr. Glenn Sulvaran diripiente ke start un investigashon pa haña sa ta konbin MFK ta disponé di dokumentonan ku ta solamente den man di Minister di Finansa i di SOAB. Pero pa MFK esey no ta e kaso! Alkontrario, Frakshon di MFK ta kontentu ku tin klokkenluiders den nos komunidat ku ta saka kosnan ilegal i korupto for bou di mesa pa trese e bèrdatnan di e Gabinete aktual dilanti.

Pueblo di Kòrsou tin e derechi pa haña sa e bèrdat ora kosnan ta bayendo kompletamente robes den su Gobièrnu!

Webmaster

Leave a Reply