• PLAN DI AKSHON
    MFK 2016
  • flag-curacao flag-holanda
Home Gilmar "Pik" Pisas Djaluna awor tur Fundashon na Kòrsou bin tende kon bo ta regla...

Glenn Sulvaran, Malvina, Jardim i koalishon tin e “toverstok” pa regla esaki!

 Djaluna 20 di yanüari 2014, nos lo trata den Parlamento e tema deliberashon ku Minister di Finansa pa ku sumanan ku a bai pa Fundashon Fondo pa Deporte i Responsabilidat Sosial (FDRS).


Manera tur kos ta indiká e fondonan ku a bai pa e fundashon FDRS a tuma luga kontra tur regla i prosedura. Ta hopi tristu di mira kuantu fundashon a hasi nan petishon konforme reglanan stipula, no a haña supsidio (subsidieregeling). Mientras tantu FDRS ku no a ni wòrdu fundá i na su turno no a hasi su petishon konforme reglanan eksistente, si ta bin na remarke i haña supsidio promé ku e añanan akordá.

  1. FDRS no tbt eksistí promé ku e fecha pa entregá petishon pa supsidio.
  2. Sin tabata eksistí e fundashon enkuestion a haña sen ku forsa retroaktivo for di 1 di yanüari 2013.
  3. FDRS a haña sèn sin deskripshon kon ta bai hasi uso di esaki.

Aktualmente e gobièrnu aki ya a hasi un kustumber pa para tur supsidio pa ku e nesesidatnan real di nos pueblo. Un ehèmpel klásiko: a korta den supsidio di deporte kaminda a perhudiká hopi mucha di skol ku tabata bai lès di transporte, landamentu i edukashon físiko. Ta net e sèn ey mester a bai Sedreko, anto na su lugá Glenn Sulvaran, Malvina Cecilia i Minister Jardim, sostené pa koalishon ta yega na un akuerdo polítiko ku Glenn Sulvaran pa ten’é kontentu.

E petishon ta bai pa tur direktiva di fundashonnan pa asistí masalmente na e reunion djaluna awor pa asina bosnan tambe haña sa kon e gobièrnu aktual tin e bara mágiko pa supsidio di 3.7 mion florin pa 4 aña i kon asta promé ku lanta un fundashon sèn ta wòrdu presupuestá pa e fundashon.

20140116_141653

Un yamada na e Pueblo di Kòrsou, tambe pa hasi akto di presensia i of skucha na medionan di komunikashon kon strukturanan ta wòrdu kreá pa un grupito i perhudiká miles di nos muchanan den nan desaroyo.

Webmaster

Leave a Reply