• PLAN DI AKSHON
    MFK 2016
  • flag-curacao flag-holanda
Home Amerigó Thodé AL IS DE LEUGEN NOG ZO SNEL DE WAARHEID ACHTERHAALT HAAR WEL...

IMG_4227

Un biaha mas a keda konfirmá ku e minister plenipotensiario no por biba sin e ganamentu aki. Un biaha mas a resultá ku Sra. Wiels no a papia bèrdat, òf mihó bisa gaña i kere ku e bèrdat lo no sali na kla riba un dia. Den e rueda di prensa dia 13 di novèmber último sra. Wiels frankeá dor di promé minister Asjes a deklará ku e tin dos landsbesluit firmá dor di Prome-minister Asjes i Gobernador. E landsbesluitnan aki ta trata dos persona ku mester bin drenta den servisio di Kas di Kòrsou ku minister wiels a tuma na trabou sin ku e tabatin outorisashon di Konseho di minister anto e a manda un karta dia 26 di òktober 2013 pa tuma 4 persona den servisio ku forsa retroaktivo for di dia ku kada un di nan a kuminsá traha. Tambe e ta informá ku e dos personanan ku e no a menshoná nan nòmber a drenta den servisio i ku e personanan aki a pasa e prosedura di solisitut i tambe e kùrmentu. E kos di mas straño den e asuntu aki ta ku Prome-minister Asjes riba e dia ei ku ta 13 di novèmber a tuma desishon pa aprobá den Konseho di minister pa tuma e hendenan den servisio i straño ku ta zona riba e fecha enkuestion ku ta 13 di novèmber e tabata sinta den banda di minister plenipotensiario Wiels den e konferensha di prensa. Prome-minister Asjes a sinta tende minister plenipotensiario gaña su dilanti ku e tin e dos landsbesluitnan firma pa Prome-minister Asjes i tambe Gobernador sin bisa nèt nada tampoko e no a koregí e minister miéntras e tabata bon bon na altura ku no tabatin ningun landsbesluit firma i ta gaña minister Wiels tabata gaña.

Awe dia 17 di novèmber 35 dia despues di e konferensha di prensa ora su miembro di koalishon i miembro di Parlamento señor Davelaar a puntra i a eksihí pa mesun dia e mira e landsbesluitnan aki, Prome-minister Asjes a kuminsá bek manera kangreu i bisa ku e no ta kòrda ku tin un landsbesluit pa despues kosnan bira ku no tin niun landsbesluit. Ta ora Prome-minister Asjes a sinti ku e gañamentu a bai leu i ku pueblo eifó ta puntra ta kon e tumamentu den servisio a bai straño asina i pa kolmo den e reunion públiko di dia 16 di desèmber den koalishon nan a sinti ku nan no por defendé e gañamentu di Prome-minister Asjes ni tampoko Minister plenipotensiario sra. Wiels, Asjes a konfirmá ku no tabatin ningun landsbesluit i asina konfirmá ku un biaha mas ku e minister a bolbe gaña ku bendishon di Prome-minister Asjes i tambe henter e koalishon. Un Alex Rosaria ku a indiká na prensa i pueblo ku sra. Wiels mester pidi despensa awe a dobla su rabu i bisa den Parlamento ku e i señor Franco ku ta presidente a bai sinta huntu ku Asjes pa mira tur dokumentu pero nan no a mira ningun prueba ku a bini dilanti. Pero si Alex Rosaria a manda un e-mail pa Dick Drayer kaminda e ta bisa i mi ta sita:

“ I offered her to come clean, recognize her error and start anew. Did not happen. Meanwhile I got the short end of the stick. I kow what I have to do.”
Awe tur kos ta koek en ei bek den e koalishon pasombra tin ku tapa i regla kos pa otro paso awó e kos a bira kani mi pa mi kani bo. E koalishon di Pueblo Soberano, PAIS, PNP, i esun ku a kue asiento di PAR bai kuné tin ku keda huntu drecha pastechi di otro pasombra tur debe otro un o otro fabor pa hasi den koalishon.
Pero ora ta kla pa tuma medida kontra trahadó, penshonadonan i pueblo, ora dor ku no tin kòntròl tur preisnan riba merkado ta keda subi sin límite i ku kriminalidat ta asotá nos pais, pueblo tin ku kòrda ku tin un medida mas ku ta bai drenta na vigor dia promé di yanüari 2014 ku ta bai kita belasting for di e balor ekonómiko di bo kas, abo si mester paga i si bo no paga ta kita bo kas, bo outo i tur bo muebelnan bende na findishi pa e Gobièrnu di traishon, kruel i asosial aki haña su sèn. Abo ku ta pueblo no ta sentral ni importante mas.

Webmaster

Leave a Reply