• PLAN DI AKSHON
    MFK 2016
  • flag-curacao flag-holanda
Home Gerrit Schotte Gobièrnu a bati pueblo ku medida, pa awor bin gasta sèn mane’...

Promesa di 1 di desèmber di Asjes i Whiteman ta pinta skur!

Na kuminsamentu di anja a dal pueblo ku oumento di prima 10% riba seguro mediko basiko (kobra mas pa menos kuido) huntu ku esaki a subi tarifa di OB na 9% i awor ta despidiendo plaka tambe pa loko pa kumpra tereno, lugar di parker, kasnan priva i sentro komersial.

A oumentá OB di 6% pa 9% pa kobra pueblo 17.5 mion florin mas pa gobierno tin sèn den kaha i awor ta resultando ku Gobierno tin sen pa parti.

Awor ta ofresé 18.5 mion florin pa kumpra sentro komersial , tin 2 mion reservá pa atendé ku e luga’ di parker na Hamelberg, a ofresé doñonan di e kasnan na Pater Eeuwensweg 1.4 mion pa kada kas. Tin ku kumpra pompstashon na Colon, tin ku saka tur hurdó for di e sentro komersial, tin ku saka habitantenan for di apartamentunan den edifsio di Colon. Tin ku adaptá manera ku lo konstruí e Hospital nobo riba e tereno ku espasio limitá.

I asina nos por sigui menshoná i e monto lo yega entre 80 pa 100 mion florin di mas gastu ku Gabinete Asjes ta sumando na konstrukshon di e Hospital nobo. E montonan aki lo ser pagá bèk dor di pueblo di Kòrsou ku haña tende ku e “ligbed tarief” di e Hospital nobo a subi i ku esaki lo reflehá den e tarifa di prima di seguro mediko.

Ta di unda e sèn ta saliendo anto? Ta gaña a gaña pueblo pa pasa medida pa drecha kaha di Gobierno, sakando tur e plaka aki for di den saku di nos pueblo i sakando sèn for di nos ekonomia? Anto awor Gobièrnu ta bin hunga Papa Pasku i mal gastá plaka pa kumpli ku kapricho di Gabinete Asjes I traha Hospital na Otrabanda “cueste lo que cueste”.

Promá ku e tereno ta liber pa traha un Hospital nobo na Otrabanda, Gobierno lo tin ku bira doño di un sentro komersial, e lo tin ku dil ku hurdonan di lokalnan komersial i tambe esnan ku ta hur kas komo bibienda den e sentro komersial. Pues ya por premirá basta trabou pa “Hur Commisie” ku ta un departmento ku ta resortá bou di gobierno mes.

Anto esaki pa e simple hecho ku “koop breekt geen huur!”

IMG_8722_close

Webmaster

Leave a Reply