• PLAN DI AKSHON
    MFK 2016
  • flag-curacao flag-holanda
Home Jacinta Constancia Parlamentario Scoop-Constancia ta pidi Minister Francisca pa bisti bachi “Lysol” i desinfektá...

Ku bon intenshon so, bo no ta gana bataya!


schotte_jacinta_thode_parlamento

Ta ku lamento Sra.Scoop-Constancia, Parlamentario pa frakshon di Movementu Futuro Kòrsou (MFK) ta konstatá ku Minister di Asuntunan Soshal i Labor Sra. Francisca ta konsiderá su propio ministerio un “berpùt”.

Esta grupo di empleadonan públiko den ministerio SOAW ku tin di duna servisio i asistí e Minister ta ser konsiderá komo fekalia, pa nan propio Minister, esta Sra. Jean Marie Francisca.

Sra.Scoop-Constancia ta kere firmemente ku e mihó manera pa Minister Francisca yega na solushon pa e situashon, ta di kita e tapa di e berpùt sin miedu, drenta su kashi paña bisti e mihó bachi ku e tin, simbolisando e famoso “Lysol” pa desinfektá su ministerio.

Skohe pa aserká empleadonan ku Minister Francisca ta konsiderá komo fekalia i pidi nan humildemente despensa, pa asina huntu e trahadonan i Minister por tin un mihó relashon, pa e ministerio por kana den mihó direkshon i asina realmente kontribuí na un mihó mañan pa Kòrsou.

Ta bon pa Sra.Francisca realisá, ku bo mester di e trahadonan den bo ministerio pa por kumpli ku bo responsabilidatnan komo mandatario.

Segun Asosiashon di Empresa i Industria lokal i Kolaborativo, ekonomia di Kòrsou ta mal stanka i den un reseso letárgiko.

Tantu Asosiashon di Empresa i Industria Lokal i Kolaborativo ta hopi desapuntá, paso e ministerio ta kompletamente paralisá i esaki ta hopi duru sigur den e temporada aki ku tin deterioro i reseshon ekonómiko pa empresanan.

Ta pesei ta di sumo importansha pa adaptá di un forma rápido i efektivo na e sirkunstansianan di merkado, pa a kambia pa por sobreviví i mantené kuponan di trabou.

Alabes tin tambe e problema di hañamentu di pèrmit pa gruponan ku tin di bin di afó pa traha paso no ta tur ekspertisio tin na Kòrsou.

Falta di liderazgo, falta di ekspertisio, inklaridat riba kompetensha interno entre empleadonan, por kondusí solamente na mas retiro i mas problema.

Mirando ku den diferente sektor ta manda hende kas, ku na final gobièrnu (lesa Ministerio si Sra.Francisca), tin di kria ku e poko ònderstant ku for di awor nos sa ku no ta yega, esaki lo sigui kondusí na oumento di kriminalidat òf ku mas yunan di tera ku ta bai for di Kòrsou.

Kòrsou na e momento nan aki no ta den su mihó momento. Tin un grupo grandi di yunan di Kòrsou ku a haña e mal notisia ku nan a pèrdè trabou (DAE, Veneto, Hotel Kura Ulanda Otrobanda i Westpunt, World Wide Travel) i alabes ta pinta ku mas negoshi ta bai sera nan porta òf lo manda empleado kas (UTS, Aqualectra, Freezone i restorantnan.

Ekonomia di Kòrsou ta mal stanka i den un reseso, oumento di aktonan kriminal, grupo di yunan di Kòrsou ta bai studia na Ulanda òf den region i no ta bin bek Kòrsou i nos ta sigui pèrdè tur nos mihó mentenan (brain drain).

Ban evitá ku mas yunan di Kòrsou ku ta i/òf tabata laborá ta pèrdè i/òf sigui pèrdè trabou.

 Minister Francisca ainda bo tin e chèns di oro. Tuma un aktitut humilde i pidi bo empleadonan klemensia pa nan por yudabo ku e retraso.

Sra. Scoop-Constancia ta finalisá ku un konseho pa Minister Francisca: Mihó bo partido polítiko baha bo mañan komo Minister, paso bo a usa bo abilidat pa yuda bo pueblo, ku nan manda bo kas komo marionèt frakasá.

Webmaster

Leave a Reply