• PLAN DI AKSHON
    MFK 2016
  • flag-curacao flag-holanda
Home Gerrit Schotte Gerrit Schotte a lesa buki pa alumnonan di Skol Humanista na Papiamentu...

IMG_1930
Den kuadro di Siman di Buki / Siman di BAN Lesa, Gerrit Schotte a bishitá alumnonan di Kolegio Erasmo pa lesa pa e muchanan. Kolegio Erasmo ku ta un skol Humanista na Papiamentu – E promé i úniko skol full na papiamentu na Kòrsou – a dediká e Siman di Buki na Tio Frank (Frank Martinus Arion). Durante hinter e siman tin aktividatnan relashoná ku lesamentu di buki.

Awe, 20 di novèmber riba Dia Internashonal di Derecho di Mucha, Kolegio Erasmo a invitá ocho hende ku diferente okupashon den nos komunidat pa lesa pa e diferente gruponan na e skol. Ta trata aki di Gerrit Schotte, Tanchi Geerman, Sra. Genaro (Tele Curaçao), Sra. Nataly Antonia (Radio MAS 99), Srta. Stephanie Fransisca (Empresario i Modelo), Sr. Ulrich Leonora (CBA Television), Sr. Audy Muller (Kampeon Nashonal den Tae-Kwando) i tambe un representante di Maduro & Curiel’s Bank.

Na momentu ku Gerrit Schotte tabata lesando for di e buki “Sapu ta un Héroe”, e alumnonan tabata skucha ku hopi atenshon. Nan tabata asina impreshoná ku e manera kon Tio Schotte tabata lesa for di e buki, ku na un dado momentu un di e alumnonan a kwe un buki for di rèki i pidi sr. Schotte na un manera hopi desente i bon eduká si e por lesa un buki mas pa nan. E talento di sr. Schotte aki sigur no ta un talento skondí, debí ku sr. Schotte su tata, promé ku el a bai ku penshun tabata meneer di skol pa hopi aña. “De appel valt dus niet ver van de boom” manera por a mira awe.

Direktor di skol sr. Eugène Jansen tabata sumamente satisfecho pa kon e lesamentu dor di e 8 personanan a bai. Na final sr. Jansen a entregá tur e 8 lesadónan un sertifikado komo prueba di nan partisipashon.

Sr. Jansen a tuma e oportunidat pa yama tur e lesadónan danki pa nan partisipashon i alabes a indiká tambe ku Kolegio Erasmo ta konta riba nan awor ku nan a tuma e honor pa ta 1 aña largu e Tanchi i Tionan di e promé i úniko skol full na Papiamentu na Kòrsou.

IMG_1952

IMG_1960

 

IMG_1981

 

IMG_2018

Webmaster

Leave a Reply