• PLAN DI AKSHON
    MFK 2016
  • flag-curacao flag-holanda
Home Jacinta Constancia Gobièrnu di Gabinete Asjes no ta konsistente

IMG_9131

Gobièrnu di Gabinete Asjes no ta konsistente:
Premia St. Elisabeth Hospital su mal maneho i Straf pensionadonan ku a laborá den pasado.

Sra. Scoop-Constancia parlamentario pa MFK ta kere firmemente ku e MoU tabata nada mas ku e Show i Wega di Jojo di 11 P’ nan ku ta para pa;

“Porfabor Profeshonal, Produsí, Pobresa pa Pueblo i e Polítiko Pagá pa Patrosinado. Poderoso lo Premia bo ku Posishon Ministerial!!!!!

Dia 29 di òktober 2013 Parlamento di Kòrsou a duna oportunidat na pueblo di Kòrsou pa sigui e reunion ku a ser yamá pa frakshon di MFK riba e MoU ku gobièrnu di Gabinete Asjes a firma huntu ku demas partner Sr. Doran(director di Usona) i St. Elisabeth Hospital.

Sra. Scoop-Constancia parlamentario pa MFK ta yama e firmament di e gabinete Asjes  “ E Show i Wega Polítiko di Jojo” kaminda e 11 P’nan a wordu intensiva pa polítiko nan sin vishon  ku ta duna instrukshon na profeshonal ku pueblo no a vota ni skohe pa asina implementa tarea esta;

“Porfabor Profeshonal Produsi mas Pobresa dor di implementa medida na Pueblo i Polítiko Paga pa Patrosinado Poderoso lo Premia bo (so)ku Posishon Ministeriaal!!!!!

Awe nos por a bolbe nota den reunion ku Gobièrnu di Gabinete Asjes ta draai rondó di loke Schotte i su frakshon a bisa pa akshoná. E Promé Minister  a lanta kana den sala parti straf i tarea na su miembro i koleganan di frakshon pa splika kiko nan mester bisa despues ku kada miembro di frakshon di MFK hiba palabra.

Alabes tambe a indiká na e Minister polítiko sr. Whiteman di Salú Públiko kual ta e trabou ku e mester desplegá, pa na final nota esaki ya ku a skohe pa splika parlamento ku lo trese kontesta di e pregunta na otro okashon.

Un berguensa di mira profeshonal(nan) bira payaso pa mantené posishon komo Mandatario di e Pais aki.

Un Minister di Salú Públiko ku partidonan polítiko di koalishon ta nominá komo profeshonal awe komo Minister polítiko den reunion a haña tarea di su partido  polítiko pa manera mucha di kleuterschool lesa e MoU  ku a ser skibí pa su persona.

E minister polítiko awe sr. Whiteman a indiká ku Sehos a pasa‘é komo polítiko un fastball i ku Sehos tabata blòf i komo profeshonal e no a mira esaki i ta pesei tin di bèk manera kangrew i akseptá awe e grupo di Usona pa kordiná i Ballast Nedam pa konstruí hospital ku su partido tabata ke mancha komo korupto i ladron.

Un berguensa total!!!! Un eksperto mester sa mihó tòg?

Sra Scoop-Constancia Parlamentario pa MFK ta sumamente kontentu i a bisa for di un prinsipio i no a duda ningun momento ku Gabinete Asjes tin di akseptá Usona i Ballast Nedam bèk.

Sra. Scoop-Constancia parlamentario pa MFK  a indiká ku for di na momento ku e la mira Promé Minister Asjes firma huntu ku e minister di Ulanda, proyektonan di SEI despues di a bai Ulanda pa komprondé Wie betaalt, bepaalt. Ya tabata tin sigur ku gobièrnu lo bek manera kangrew i ku ta Usona i Balast Nedam ta keda kordiná e totalidat.

Alabes sra. Scoop Parlamentario pa MFK ta spera ku gobièrnu lo no sigui premia St. Elisabeth su mal maneho so i straf grandi(nan) ku a traha den pasado pa pais.

Unabes gobièrnu di ku diripente tin plaka laga premia nos grandinan tambe mesora dor di splika pueblo ku entrante 1 di novèmber 2013 lo;

  1. eliminá e fl. 1,– riba receptregel,
  2. eliminá 25,– di e seguro-card,
  3. baha e prima di seguro básiko di 12 % pa 8%,
  4. eliminá e eigen bijdrage di 82,–
  5. eliminá diskriminashon i sòru pa seguro básiko konta pa tur hende igual i alabes bin ku un seguro general di malesa manera Gabinete Schotte a proponé for di inisio.
  6. apliká lei 80/20 i kuminsá ofrese trabou na yunan di Kòrsou.

Sra Scoop-Constancia Parlamentario pa MFK a pidi Minister di Salú Públiko sr. Whiteman pa hasi uso di dokumentashon ku e la laga tras den e asina yamá Informatie en Besluiten Gezondheidszorg i ta haña mas ku 160 desishon ku Gabinete Schotte a laga aprobá den Konseho di Minister pa loke ta trata Ministerio di Salú Públiko ku tin laso pa ku konstrukshon di Hospital Nobo i stòp di wak skelèt den e Ministerio di Salú Públiko pa evitá ku mañan ADC ta e siguiente viktima di blòf(nan) di St. Elisabeth Hospital.

Sra. Scoop – Constancia parlamentario pa MFK ta kontentu di e trabou desplegá komo Minister di pasado ku awe ta duna su frutanan, e ta finalisá bisando!

Webmaster

Leave a Reply