• PLAN DI AKSHON
    MFK 2016
  • flag-curacao flag-holanda
Home Gerrit Schotte Ta Navarro so ta responsabel?

IMG_742d3

Meskos ku henter pueblo di Kòrsou, frakshon di MFK tampoko no por a kere nos orea ora nos a tende e notisia Djasabra tempran di e fayesimento di Luigi F. “alias Pretu”, den e selnan na Barber kaminda e tabata detené for di diamars 3 di Sèptèmber último. Despues por a nota ku a surgi sentimentunan di desepshon, frustrashon i hasta rabia relashoná ku e suseso. No mas ku un par di dia pasá e miembro di Parlamento pa MFK, Sr. Gilmar “Pik” Pisas, a kuestioná Minister di Hustisia, Sr. Navarro, fuertemente den Parlamento riba e desishon pa manda Luigi F. “alias Pretu” pa e selnan na Barber i tambe a hasi preguntanan por eskrito na dje. Den Parlamento Minister Navarro a asumí responsabilidat kompleto pa e enkarselashon di e sospechoso na Barber pero awe nos tin ku biba ku e resultado lamentabel ya konosí.

Ku asombro nos ta tuma nota di deklarashonan di Promé Minister Asjes den hinter e investigashon rondo di asesinato di e lider di Pueblo Soberano, Sr.Helmin Wiels. Sr. Asjes awe no por kere ku é sinta komo Prome Minister ta bin splika pueblo awor ku e NO tin detayenan rondo di asesinato di su lider poliktiko. Promé Minister Asjes, mas ku tur hende i Pueblo Soberano den su totalidat tin mas interes pèrsonal pa bin un klaridat rondó di e kaso di asesinato di nan lider. Gabinete Asjes por mustra dede awor riba Mininster Navarro, pero ta gobièrnu den su totalidat ta responsabel pa akshonan den Gobernashon. Ta straño ku siendo Parlamentario e tempu ei, Sr.Asjes a kritiká èks-Promé Minister Hodge fuertemente, ku e investigashon relashoná ku e asesinato di Sr.Wiels tabata kana demasiado poko poko. Sinembargo awor ku Sr.Asjes mes ta Promé Minister, no solamente e kaso a sigui kana slow, pero ademas awor ta pèrdè un testigu klave tambe, ku fayesimentu di Sr.Luigi, F. “alias Pretu”.

Ta Navarro so ta responsabel ku perdida di e sospechoso prinsipal ku tabata na bida te ku djabièrnè anochi 6 di September?

Webmaster

Leave a Reply