• PLAN DI AKSHON
    MFK 2016
  • flag-curacao flag-holanda
Home Gerrit Schotte SAMBIL CURAÇAO lo habri ofisialmente djawebs 3 di aprel 2014

IMG_1642

Willemstad – E invershonista Venezolano Sr. Alfredo (Freddy) Cohen di Grupo SAMBIL resientemente tabata na Kòrsou, pa pone su mes na altura di kon e proyekto SAMBIL CURACAO ta desaroyando. Sr. Cohen tabata satisfecho kon e trabounan ta kanando i a anunsiá ku Djawebs 3 di aprel 2014 SAMBIL CURACAO lo habri su portanan ofisialmente. Kasi ún aña pasá e proyekto a start, bou di Gabinete Schotte, den área di Veeris. E proyekto grandi aki, definitivamente ta dunando un kontribushon signifikativo na ekonomia di Kòrsou. Durante su estadia kòrtiku na Kòrsou, Sr. Freddy Cohen a invitá èks Promé Minister Sr. Gerrit Schotte pa tira un bista riba kon e trabounan di konstrukshon di e sentro komersial nobo ta kanando. Sr. Cohen pèrsonalmente a guia Sr. Schotte dor di e edifisio impreshonante di SAMBIL CURACAO.
Segun Sr. Cohen alrededor di 70% di e lokalnan ta firmá òf komprometé. Ademas SAMBIL CURACAO ta negoshando ku varios otro kadena importante ku a mustra interes den e sentro komersial.

Sr. Cohen a enfatisá ku SAMBIL CURACAO, meskos ku demas sentro komersial SAMBIL, lo ta fuertemente dirigí riba famia. Komo tal por spera diferente aktividat pa famia den e sentro komersial ku lo keda habrí diariamente te 9or di anochi. E intenshon ta pa na desèmber/yanüari 2013/2014, lo kuminsá entregá e diferente lokalidatnan, pa di e manera aki duna espasio na e komersiantenan pa por prepará nan lokalidat, pa e gran apertura na komienso di aprel 2014.

IMG_1679

IMG_9170

IMG_9183

Webmaster

Leave a Reply