• PLAN DI AKSHON
    MFK 2016
  • flag-curacao flag-holanda
Home Reunion Públiko Gobièrnu a atmití awe, ku 94% di poblashon na Kòrsou tin problema...

schotte_jacinta_thode_parlamento

Awe Parlamento di Kòrsou a trata e tópiko di fluoride den nos awa di bebe. Durante e presentashon ku Gobièrnu a duna, a bin sali na kla ku un rapòrt di aña 2002 ta indiká ku 94% di nos poblashon tin problema ku kuido dental. Di e 94% aki, 30% ta mucha. A bin resultá tambe ku 15 pa 20% di nos grandinan no tin un tandgebit sigun presentashon di gobièrnu awe mainta.

Kon por ta ku for di aña 1962 ta doseer fluoride den nos awa di bebe i awe 51 aña despues, segun gobièrnu su presentashon awe mainta, basá riba un rapòrt di 2002 a splika ku 94% di nos komunidat tin problema ku kuido dental ainda? Frakshon di MFK ta bisa ku e solushon no mester ta dosering di fluoride den nos awa, pero simplemente un bishita garantisá serka dentista. Un seguro médiko ku ta kubri ku pueblo por atendé su kuido dental. Un seguro médiko pa tur hende i ku ta duna kada pèrsona e oportunidat pa hasi kòntròl dental por lo ménos 2 biaha pa aña, paso ta resultá ku despues di 51 aña ku a doseer fluoride den nos awa di bebe, esaki no tabata e solushon.

Un dje kousanan di fluoride den ekseso, ta osteoporosis i asina tin hopi otro efekto sekundario na momentu ku bo konsumí fluoride di mas. Osteoporosis ta nifiká ku e ta saka kalki for di den bo wesu i ku e wesu por kibra di su mes. MFK ta keda para pa saka fluoride for di nos awa di bebe, awor mas ku nunka despues ku Gobièrnu mes a atmití ku despues di 51 aña ku a doseer fluoride den nos awa, ainda 94% di nos komunidat tin problema ku kuido dental.

Minister di Salubridat sr. Ben Whiteman a pidi 1 siman di tempu pa duna kontesta riba preguntanan ku a wòrdu hasí dor di miembronan di Parlamento. Sinembargo Presidente di Parlamento sr. Mike Franco a skòrs te próksimo aviso.

Webmaster

Leave a Reply