• PLAN DI AKSHON
    MFK 2016
  • flag-curacao flag-holanda
Home Jacinta Constancia PARLAMANETARIO SRA.SCOOP-CONSTANCIA KE SA SI TA NEGOSHI LUKRATIVO TIN DOR DI MANTENE...

IMG_9758

WILLEMSTAD – Parlamentario pa Movementu Futuro Korsou, sra. Scoop-Constancia ta haña e aktitut di Minister di Salu Publiko, un falta di rèspèt pa Pueblo di Korsou i pa e komishon Anti-Fluoride, di kual pa kolmo gran parti ta miembro di partido Soberano mes.
E Miembronan di e komishon Anti-Fluoride, ku ta profeshonalnan, a traha dedikadamente riba e proposishon pa elimina fluoride for di den awa di bebe. A diskutí e proposishon tambe den pasado ku lider maksimo di partido Pueblo Soberano, Sr. Wiels (q.e.p.d), ku tambe a duna indikashon ku mester elimina e venenu aki for di nos awa di bebe, segun miembronan di e komishon.
Sinembargo awe e aktitut arogante di Minister Whiteman, ta bai kontra hustamente esun ku a krea oportunidat pa awe e ta minister. Kontra e propio komishon Anti-Flouride ku ta konsistí den su mayoria pa miembronan di e propio Pueblo Soberano, djis pa no duna rason na Partido MFK i bo sirbido sra. Scoop-Constancia.

Prome Minister di Korsou Sr. Ajses i e Minister di Salu Publiko Sr. Whiteman a konsiderá ku e komishon lo no dibulga lokual a ser diskuti den nan resiente reunion i lo no kontradusi nan ponensiá i posishon di Minister Whiteman, debi ku mayoria di e miembro di komishon Anti-Fluoride ta hende di nan propio partido. Komo tal Minister Whiteman a sali publikamente splika pueblo ku e komishon Anti-Fluoride no tin rason i ku e desishon di e minister di Salu Publiko tabata korekto i asina desbaratá nan profeshonal. Echo ta ku e gobiernu ta mira e profeshonalnan aki komo, nan muchanan di partido ku tin di kumpli ku partido, sera nan boka, aseptá i no ser kritiko riba nan minister.

Durante e reunion ku Sr.Whiteman riba e tema, esaki a laga su konsehero personal Sr.Gerstenbluth splika loke ta bon den su ponensia pa krea impreshon ku e profeshonal nan no ta bon informá.
Sinembargo e profeshonal Sr.Rudolf de Wit ku ta forma parti di e komishon Anti-Fluoride a laga tur kompronde ku e ta dispone di informashon korekto, sinsero i base sientifiko. Sr. de Wit no ta hana e stul pa sinta, komo ku e gobiernu aktual di Gabinete Asjes ta mira e profeshonal aki komo un persona liga na MFK.

A papia di dialoga i na mes momento Minister di Salu, pa kolmo dokter ta sali ekspresa semehansa bagamunderia i falta di respet ku pueblo di Korsou. E pregunta prinsipal ta : Dikon un Minister di Salu Publiko, ku pa kolmo dòkter ta preferá i insistí pa keda doser un pueblo kontra di su deseo ku e veneno kimiko Flouride, enbes di stòp fluoride esaki. Mi ta puntra mi mes si ta un negoshi mas lukrativo tin tras di e tèrkedat di Minister di Salú Publiko. Minister mester kòrda ku ta trata aki di bida di ser humano.

Komo parlamentario pa MFK ami Sra.Scoop-Constancia ta konvensí ku sano huiso mester prevalesé, mirando informashon ku nos ta disponé di dje. Pa pueblo haña tur informashon na drechi tokante Flouride, paso pueblo tin derechi riba dje. Komo tal mi ta reta Minister Whiteman pa bin splika pueblo den Parlamento, pakiko e ta insistí pa tene flouride den awa i ku no tin niun otro alternativa pa atendé ku e asuntu aki. No por sigui duna hinter un pueblo flouride kontra su boluntat, siendo ku ta un parti di pueblo so mester di esaki.

For di aki, ami Sra. Scoop-Constancia ta pidi e Minister di Salú Publiko, Parlamentario nan di Soberano, ku a forma parti di e reunion di 8 di Ougustes 2013 pa huntu ku e komishon Anti-Fluoride laga sano huiso prevalesé i trese klaridat real di lokual berdat a ser trese dilanti.

Webmaster

Leave a Reply