• PLAN DI AKSHON
    MFK 2016
  • flag-curacao flag-holanda
Home Gerrit Schotte Den 10 minüt Parlamentu ke disidí riba futuro di Refineria ISLA

Dia promé di yüli 2013 MFK a pidi pa konta kabes, riba futuro di Refineria ISLA.

Sea ta sera òf ta modernisá i hasi nos Refineria unu limpi i modèrno.

Awe frakshon di MFK a haña kontesta ku djawebs 22 di Ougùstùs lo tin un reunion públiko riba e tópiko aki.

Sinembargo ta straña frakshon di MFK ku pa un tópiko asina importante manera futuro di nos Refineria ISLA, koalishon a disidí ku ta ápenas 10 minüt tin pa debatí.

Den 10 minüt, koalishon ke pa disidí riba futuro di +/- 3000 trahadó indirekto i 1500 trahadó direkto di Refineria ISLA.
Den 10 minüt, koalishon ke pa papia di un pilá ekonómiko ku ta aportá pa +/- 9% na nos Produkto Nashonal Bruto.
Den 10 minüt, koalishon ke pa disidí si Kòrsou lo bira un pais ku tin ku importá gas pa kushiná i gasolin for di merkado internashonal, ku lo tin komo konsekuensia ku tantu gas i gasolin lo oumentá aun mas ku 10 pa 15%.
Den 10 minüt, koalishon ke pa disidí si aktividatnan den nos haf ku ta direktamente ligá ku Refineria ISLA, lo disparsé pa semper.

Ta miembronan di koalishon mes a grita ku mester debatí amplio riba rapoòrtnan ku Gobièrnu ta basa su mes ariba, pa a tuma desishon na mèi 2012.

Awor ta resultá ku ta den un reunion públiko di Parlamentu djawebs 22 di Ougùstùs, den 10 minüt, sin masha debate koalishon ke disidí si ta sera Refineria ISLA of ta modèrnis’é i hasi’é limpi i moderno.

MFK ta puntra su mes si e gobièrnu aki i miembronan di koalishon ku ta sostené nan, tin Kòrsou realmente na pechu i ta kon serio futuro di ISLA ta pa e partidonan aki?

Òf ta sera, ke sera Refineria ISLA di e manera aki?

schotte_parlement_mei2013

 

Webmaster
2 replies to this post
  1. Tristu ta ku Schotte ahinda ta hasi propaganda pa modernisa un kos ku den paisnan progresivo, un Undustria asina no por ta ni 2000 pa 5000 meter serka di kaminda hende ta biba y trafika.

    Konsiderando ku pa kwantu bo modernisá, ku efekto di saboteo interno o atentado na mente, nunka lo bo por hustifiká algu asina.

    Pa bo sa kon kriminal su mente y oportunistikamente destruktivo su evaluashonan ta, e sa ku si ISLA bai, nan mester buska otro kaminda pa kumpra kombustible barata pa nan pompnan di gasolin ku nan tin den paisnan den Caribe.

    Hasi manera ta e pueblo nan tin na pecho, kaminda ta nan negoshinan pafo di Korsou nan tin ku keda suministra a kosto di bida, salu y falta di progreso den e ekonomia di Korsou.

    Schotte sa ku GreenTown ta bai genera mas ku 10 biaha e efekto di ISLA pa Korsou.
    Mi no ta komprende kon e ta kere ku ahinda e por kwe Korsou kabes abou?

    Kon un homber ku ta ser aklama komo un genio ta kere ku henter e isla ta asina estupido ku nan no por pensa pa nan mes?

    Loke tin ta oportunidad sin limite, awor e maestronan riba nan tereno mester mustra kon nan por asisti y guia yunan pa bira profeshonal den e loke ta na kaminda: http://bit.ly/GreenTownBankSupport

    Pues yunan di tera ku eksperiensha y profeshonalismo sin ta limita na estupides politiko ta biniendo kas bek komo maestronan, kapitalistanan y tambe sientifikonan pa duna nan aporte y prepara (bijschool, omschool) esnan ku sa ku tin mas ku 5000 miyon disponibel pa trese kambio y deshasi di porkeria ku a mata tantu miles di hende kaba y ta manka y masakrando salu di miles.

    1 – Ora mi analisa abase di mi spesialisashon riba nivel di Maneho di Informashon Digital y tambe Maneho di Systema Automatisá mi ta realisa ku salud (siguridad) di hende y tambe konservá medio ambiente ta na prome luga!

    2 – Kwa invershonista ta asina bobo di traspasa reglanan internashonal di siguridad (Veiligheid) di protekshon di ambiente y tambe relashona ku salud di hende pa inverti den un refineria ku ta asina serka di bida di tur dia di hende bibu?

    Schotte ta na unda bo a haña bo doktoral?

    Jacinta Constancia Sheldry Osepa boso tambe ta support e wega di brainwash aki di tempu di kauchi di boulo?

Leave a Reply