• PLAN DI AKSHON
    MFK 2016
  • flag-curacao flag-holanda
Home Jacinta Constancia Awor Minister Whiteman ke kwe makaku ku bakoba!

jacinta_consctancia_parlament

Komo Parlamentario pa MFK, ami Jacinta Scoop-Constancia a tuma nota di ekspreshonnan públiko di Minister Whiteman pa inkluí Minister i Parlamentarionan den Seguro Básiko.

Esaki ta un desishon di bakoba pa kwe makaku.

Kòrsou konosé 9 Minister i 21 parlamentario di kual
4 di e akual Ministernan ya ta ambtenar, inkluso Sr.Whiteman, pa kual e seguro básiko ku e ke introdusí lo konta pa su mes pèrsona, komo ku ambtenarnan ta esklui for di Seguro.
For di 21 parlamentario, 13 ta ambtenar i demas ta semi gobernamental, NV’s di gobièrnu i Stichtingnan. Aki atrobe e mayoria ta ser eskluí.

Mi ta puntra mi mes komo parlamentario, pakiko Minister Whiteman ke introdusí e lèi di Seguro Básiko pa Minister i Parlamentarionan, si e sa bon bon ku ambtenarnan ta eskluí for di e pakete di Seguro Básiko, konforme su propio desishon.

Ademas e grupo di 30 persona aki di kual 9 ta minister i 21 ta parlamentario, lo no tin masha efekto riba e presupuesto di Salú Publiko di pais Kòrsou.

Ku esaki atrobe Minister Whiteman ke tuma pueblo hasi kèns i falta rèspèt ku nos hende grandinan.

Komo Parlamentario pa MFK, ami Sra. Jacinta Scoop-Constancia ta eksihí Minister Whiteman pa públikamente splika pueblo ta kwa seguro e mes lo tuma pa su mes awor.
Esun ku ta konta pa ambtenarnan segun LMA (ku no ta seguro básiko) i/òf esun ku e ke introdusí pa Minister ku Parlamentarionan? Un biaha mas Minister Whiteman ta mustra ku e akshon aki, su falta di vishon i kapasidat pa manehá e sektor di Salubridat Públiko.

Ademas di tur e problemanan ku e lèi di Seguro Médiko Básiko a trese kun’é, awor Minister Whiteman ke hunga polítika barata tambe i benta poko bakoba pa purba kwe makaku. Apresiable Sr.Whiteman, “a otro pero con ese hueso!”

Miembro di Parlamento
Frakshon MFK
Jacinta-Scoop Constancia

Webmaster

Leave a Reply