• PLAN DI AKSHON
    MFK 2016
  • flag-curacao flag-holanda
Home Gerrit Schotte Lider Polítiko di MFK sr. Gerrit Schotte ku diferente reunion na Venezuela...

“Gerrit Schotte: Mi tin pueblo di Kòrsou i den e kaso spesífiko aki, empleadonan di DAE na pechu”

Manera ta konosí dia 10 di yüni último un delegashon di trahadornan di DAE ku tabata akompañá pa un gran mayoria di e demas personal di e kompania aereo, a ofresé Parlamentario di MFK sr. Gerrit Schotte un petishon ku a wòrdu firmá dor di e forsa laboral di e kompania, den kual ta pidi sr. Gerrit Schotte intermediashon pa sali na vanguardia di DAE i sigurá nan kuponan di trabou.

Despues ku sr. Schotte a indiká na e empleadonan, ku ta mama i tatanan di famia ku e tin mantenshon di empleo pa tur esnan enbolbí na pechu i den e kaso aki e lo hasi tur kos ku ta na su alkanse pa DAE keda un kompania aereo viable i ku futuro i pa niun kupo di trabou no bai pèrdí, sr. Schotte a kuminsá mobilisá i drenta den kontakto ku su netwerk ku e tin na Venezuela pa haña algun sita i reunion ku personanan ku tin posishonnan importante den komunidat di Venezuela.

Djadumingu último, Schotte a haña konfirmashon di e tres sitanan mas importante ku el a pidi p’é i tabata na e momentu ey ku el a sali pa Venezuela djaluna atardi.

E promé reunion tabata djamars mainta ku dr. José Vicente Rangel ku ta èks Vise Presidente di Venezuela durante e periodo 2002 pa 2007. Durante e reunion, Schotte a duna un splikashon amplio riba e situashon di DAE i su impakto pa Kòrsou su ekonomia. Na e momentu aki dr. José Vicente a indiká ku e lo hiba e mensahé aki personal pa Presidente di Venzuela sr. Nicolas Maduro djarason awor ora e yega bèk for di su biahe na Oropa.
Schotte-huntu-ku-Presidente-di-Globovision-sr.-Juan-Domingo-Cordero

Na momentu ku e notisia tabata bai rònt ku èks Promé Minister di Kòrsou sr. Gerrit Schotte tabata na Venezuela, mesora yamadanan a kuminsá drenta pa entrevistanan na Televishon i Radio. Un di nan tabata Globovision, ku tres siman pasá a kambia di gerensia. Akinan Gerrit Schotte a sa di laga e mensahé atras ku e empleadonan a pidi p’é tramitá. Mas ku 1 mion persona na Venezuela por a mira e entrevista ku Gerrit Schotte BIBU. Durante e entrevista por a mira minütnan largu imagennan bunita di nos dushi Pais Kòrsou. Un propaganda ku normalmente ta ímpagabel!

Awor’aki e mensahe lo bai kana su kaminda. Gerrit Schotte a drenta avion ayera; eksaktamente 1 siman despues ku e empleadonan di DAE a bin serka dje i a bai hasi lo máksimo ku ta na su alkanse pa e mensahe di e trahadornan di DAE yega i salbarguardiá trabounan di Mama i Tatanan di Famia.

Webmaster

Leave a Reply