• PLAN DI AKSHON
    MFK 2016
  • flag-curacao flag-holanda
Home Jacinta Constancia Gobièrnu no ta demonstrando madures pa solushonon, pero ta boga pa sera...

FRAKSHON DI MFK PA MEDIO DI PARLAMENTARIO SRA. SCOOP-CONSTANCIA TA DI OPINION KU GOBIÈRNO DEMISHONARIO HODGE/ROSARIA SOSTENÉ PA KOALISHON DI PARTIDO PUEBLO SOBERANO, PAIS I NASHONAL NO TA DEMONSTRANDO MADURES PA SOLUSHON PERO TA BOGA PA SERA ADC

Frakshon di MFK pa medio di parlamentario sra. Scoop-Constancia ta informá pueblo di Kòrsou ku ADC dia 18 di aprel 2013 ADC a bishitá Parlamento i a indiká nan prekupashon kaminda a hasi un presentashon i a duna informashon riba e situashon di ADC.

Alabes a pidi parlamentarionan pa tene kuenta ku algun punto di atenshon pa garantisá eksistensha di ADC.

Frakshon di MFK pa medio di parlamentario sra. Scoop-Constancia a nota ku partido(nan) di koalishon Pueblo Soberano, Pais i Nashonal ningun momento a demonstrá madures i interes pa eksistensha di ADC, pero mas bien nan tabata demonstrá di ta na fabor di e grupito di interes den kuido ku a hinka sèn den nan kampaña polítiko durante e último elekshon. E miembro(nan) di parlamento ku ta sostené e koalishon aktual di partido Pueblo Soberano, Pais i Nashonal (sr. Davelaar, Sr. Wilsoe, sra. Moises, sr. Rosaria) a keda trese dilanti ku kompetensha mester haña lugá den e sektor di kuido pa loke ta trata laboratorio. Esaki a sorprendé mi persona sigur basá riba e informashon i desishonnan eksistente ta yega na e konklushon ku koalishon ta para pa garantisá eksistensha di otro laboratorio i ta manda ADC bai kompetí den un merkado ku nan sa bon bon ku no tin espasio.

Un bèrgwensa kon un koalishon ku ta splika pueblo ku mester tuma medida pa garantisá aksesibilidat di kuido pa e ta pagabel i ta skohé pa den e mesun temporada pa subi gastu inesesariamente, dor di habri merkado sin kontròl sin kordinashon bou di laboratorio nan. Na ningun momento a papia di sera ningun laboratorio. A papia di un mihó kordinashon i kòntròl.

Frakshon di MFK pa medio di parlamentario sra. Scoop-Constancia ta sinti ku e koalishon no ta interesá den garantisá kuido pa pueblo, pero garantisá ku algun kumpradó di kuido ta keda gana plaka riba kustia di pueblo p’esei ke komplasé awe nan kompinchi(nan) ku tin un òf otro laboratorio.

Parlamentario sra. Scoop-Constancia ta trese dilanti  ku tin un desishon di gobièrnu for di 14 desèmber 2011 kaminda ta garantisá ku ADC mester ta e Nationaal Laboratorium pa Kòrsou.

SVB ya pa años tin kombenio ku ADC pa tur kliente pa hasi uso di servisio di ADC. Esaki ta mas efisiente i pagabel sigur den sektor di kuido ku tin medida tras medida.

E seguro básiko mester ser adaptá, pasobra tin desishon i palabrashon den époka ku mi a fungi komo mandatario ku e minister demishonario no a trèk in i komo tal tin di ser respetá.

Gobièrnu tei pa solushon i e solushon ta pa trese ahuste den e lèi ku e minister demishonario sr. Whiteman ta bezig kuné pa garantisá un kuido sólido, aksesibel i pagabel.

Un biaha mas e minister demishonario profeshonal su obligashon i responsabilidat ta pa kumpli ku reglanan stipulá den kuido.

Nos ta komprondé ku e minister demishonario profeshonal a duna di konosé ku e lo ke forma parti di e gobièrnu polítiko, mi ta spera pa su deseo no neglishá su profeshonalismo pa garantisá su eksistensha den e gabinete polítiko. Komo profeshonal mester purba hasi algu bèk pa pueblo.

Mi ta spera ku komo un profeshonal e splika su lider dikon mester adaptá e lèi aki pa e parti di labotoria aki tambe. Mi ta spera e ahuste pa ADC sosodé, pa ADC sigui duna e mesun servisio ku e tabata ofresé SVB i asina garantisá ku fondonan di SVB no ta crash. 

E koalishon Soberano ku a prediká di lo duna pueblo loke nan meresé awe ta na fabor di e grupito ku tin poder den sektor di kuido pa miedu di pèrdè stabilidat den gobernashon. 

Unda boso promesa na pueblo a keda? Un bèrgwensa total parlamentario pa MFK sra. Scoop-Constancia ta finalisá bisando.
IMG_3157

Webmaster

Leave a Reply